八屋 (已結業)

旺角不嬲都多樓上Cafe，今次鯊仔帶大家嚟到呢間精品咖啡店，除咗享用到佳餚外，亦可品嚐各款雞味酒~🦐 蒜蓉牛油大蝦意大利粉 $88蒜蓉好香，比牛油味更加出，大蝦爽口彈牙，意大利粉掛汁，仲食到幾香嘅橄欖油味，意粉又唔會好油，整體味道唔錯。🐟 煙三文魚菠菜意大利粉 $98煙三文魚好香，建議煙三文魚份量可以再多少少，忌廉汁唔會好杰身，質地偏流質少少，令到意粉食落唔會覺得好膩。🐔 八屋三重炸雞拼盤 $98炸雞拼盤意外地成為呢餐MVP，拼盤包括炸雞翼、炸雞件同炸雞粒，全部炸得好金黃香脆，特別欣賞炸雞配香甜開胃嘅柚子醬，而且雞翼好香、肉質鮮嫩。🥃 Old Fashioned $88酒味比較濃，飲落去充滿麥芽香氣，苦精、橙皮同砂糖味道融合，再慢慢細味，酒嘅餘韻慢慢留喺口腔徘徊。🍹 Sex On The Beach $88飲落酒味唔算好重，由伏特加、桃酒、橙汁同蔓越莓汁製成，味道較甜，甜味主導，較易入口，適合想初嘗雞尾酒嘅女士飲用。