影片
更多
2023-06-17
685 瀏覽
呢晚搵到呢間喺旺角嘅樓上餐廳 餐廳主打食台灣菜😆 地理位置非常方便 喺正兆萬中心對面 但係價錢都好親民 性價比好高👍🏻蟹肉魚籽滷肉飯便當呢碟份量好夠 雖然個名叫便當 但係啲餸滿到好似丼飯咁😛 滷肉好大粒 係半肥瘦嘅豬肉 所以口感幾好 蟹肉同魚籽都幾鮮味 撈埋一齊食好有新鮮感安平蝦卷椒麻拌麵便當呢個拌麵好惹味😸 椒麻味聞落好香之餘 食落仲有少少麻辣 麵條係扁嘅 幾彈牙 蝦卷外皮脆脆地 入面嘅蝦膠好彈牙椒麻鴨舌呢碟小食真係會食到唔停口😎 椒麻味惹味得嚟唔會太辣 又可以吮骨 真係幾好👅 而且份量仲好多添呀檸檬白玉愛玉 抹茶雪糕 濃乳布甸呢個甜品酸酸甜甜 白玉愛玉口感順滑 撈勻一齊食就又有抹茶又有檸檬味🍋 唔會得死甜咁單調 濃乳布甸牛奶味好重 啱我口味🥛山茶花烏龍奶蓋我嗌咗無糖 烏龍味道好香🍵 奶蓋味道甜甜地 都可以吊到茶嘅香味茉莉毛尖呢杯我嗌咗微糖😉 另外加咗白玉子 呢個真係必加 煙煙韌韌 仲有好多粒添呀呢間環境都唔錯 有唔少brick bear嘅擺設 坐得幾舒服 見到lunch menu都非常抵食 下次喺旺角食晏都可以考慮佢🥰
蟹肉魚籽滷肉飯便當
呢碟份量好夠 雖然個名叫便當 但係啲餸滿到好似丼飯咁😛 滷肉好大粒 係半肥瘦嘅豬肉 所以口感幾好 蟹肉同魚籽都幾鮮味 撈埋一齊食好有新鮮感
安平蝦卷椒麻拌麵便當
呢個拌麵好惹味😸 椒麻味聞落好香之餘 食落仲有少少麻辣 麵條係扁嘅 幾彈牙 蝦卷外皮脆脆地 入面嘅蝦膠好彈牙
椒麻鴨舌
呢碟小食真係會食到唔停口😎 椒麻味惹味得嚟唔會太辣 又可以吮骨 真係幾好👅 而且份量仲好多添呀
檸檬白玉愛玉 抹茶雪糕 濃乳布甸
呢個甜品酸酸甜甜 白玉愛玉口感順滑 撈勻一齊食就又有抹茶又有檸檬味🍋 唔會得死甜咁單調 濃乳布甸牛奶味好重 啱我口味🥛
山茶花烏龍奶蓋
我嗌咗無糖 烏龍味道好香🍵 奶蓋味道甜甜地 都可以吊到茶嘅香味
茉莉毛尖
呢杯我嗌咗微糖😉 另外加咗白玉子 呢個真係必加 煙煙韌韌 仲有好多粒添呀
呢間環境都唔錯 有唔少brick bear嘅擺設 坐得幾舒服 見到lunch menu都非常抵食 下次喺旺角食晏都可以考慮佢🥰
張貼
