初鮨 (已結業)

今日去咗旺角道幫龜仔添置龜糧 買完之後就搵想搵間可以坐得耐嘅地方慢慢食住唞下 見到呢間初鮨啱曬我嘅要求 入面環境好寬敞而且都舒服前菜 櫻花蝦蓮藕漬 蓮藕加上酸酸嘅汁 所以成個前菜都好開胃 值得一讚海苔漬 充滿海水味 唔錯唔錯金花牛蒡絲漬 牛蒡煲湯就飲得多 呢個牛蒡食落非常之爽脆刺身四款 牛鰍 拖羅 牡丹蝦 響螺 全部都好鮮甜而且拖羅都好肥美 食落又爽口 魚味好重岩手縣赤旗生蠔 青檸啫喱 有別於一般嘅歐洲生蠔 呢個生蠔嘅海水味冇咁重但係食得出蠔肉嘅海藻味天婦羅 松皮金鯛配冬菇粟米仔 柚子蘿蔔蓉 柑桔 炸得好脆口而且落唔覺有太多味精金目鯛 活北寄貝 深海池魚 大拖羅 拖羅面頰 拖羅腦天 呢啲壽司真係冇得輸 全部都好新鮮鮮甜 值得一讚嘅係活北寄貝 真係睇住佢喺啲飯上面仲識郁 咁新鮮嘅北寄貝都係第一次食到