神戶屋日韓放題

營業中

休息中

今日同朋友放工之後喺旺角搵嘢食，經過兆萬就決定食放題。揀返間多嘢食啲嘅，滿足下。網上見到旺角有間放題，有刺身、天婦羅、牛肉壽喜燒等，仲要2小時無限供應。仲有唔同款式嘅壽司，甜品又有韓國雪條同好多果汁、啤酒可任飲任食。最緊要係有我最鍾意嘅忌廉溝鮮奶，唔係間間放題有㗎。所以就決定去試一試。呢間係旺角嘅神戶屋，餐廳裝潢好有田園風，燈光暗暗地，幾有情調，啱晒情侶黎～我哋一坐低，店員就俾咗前菜同埋調味料我地，服務態度一流。等緊嘢食嘅時候就可以食住螺肉先～熟食方面，我哋特別推薦以下呢幾樣俾大家。瑞士汁雞翼、牛油粟米、番薯仔、芝士扇貝、泰式炒通菜。雞翼瑞士汁味道好濃郁，非常值得一試。番薯仔係非常煙韌，煙韌控必試。芝士扇貝好cheesy，扇貝都好大粒。泰式炒通菜小小辣，好開胃，份量都好多。食放題點少得叫刺身，佢哋嘅刺身好新鮮，種類仲好多添。有三文魚、泰式生蝦、赤貝、蟹柳、螺肉........ 本人食刺身，一定要點帆立貝，佢哋嘅帆立貝好新鮮，好大粒，好厚肉，超級好味。總括嚟講，食物質素幾好，上菜速度好快。下次有朋友我想食放題，我一定會再帶佢嚟呢度。