影片
更多
2023-11-12
1547 瀏覽
之前見到朋友食呢間燒肉好吸引 所以出糧就帶咗媽咪嚟試吓☺️ 我地今次食嘅係Level 5日本九州產黑毛和牛海鮮放題 總共有117樣食物🫢 最吸引我嘅係呢個Level 6嘅餐可以任飲Asahi生啤 清酒同埋任食Movenpick雪糕🍦 仲有最新嘅柚子系列 因為同燒肉好夾 所以想同大家介紹吓🍊 柚子之味餐廳特別為呢個新系列設計咗唔同嘅主題食物 當中我最鍾意柚子石斑魚柳 呢一個魚柳係連埋錫紙燒 咁就唔會黐住個網 同埋柚子味酸酸地 仲可以辟腥添呀🐟 三文魚柚子冷豆腐 柚子炸雞 柚子羽衣烏冬 柚子流心蛋糕 其他食物都非常清新 而且我地係呢一餐嘅開首食呢啲比較開胃🍰 肉類 都係因為想食佢嘅黑毛和牛 所以嗌呢個最高級嘅套餐 真係有好多選擇啊🤩 不過都唔怕花多眼亂唔知揀邊款好 因為一開始店員會先上一份拼盤 可以試晒每一款和牛☺️ 究極日本和牛三角嫩肌 極上黑毛和牛薄炙牛肋肉 極上黑毛和牛角切 極上黑毛和牛肩胛 極上黑毛和牛小排 同埋極上黑毛和牛牛肋條 都係等級五限定嘅 我就最鍾意究極日本和牛三角嫩肌 因為真係好juicy😚 油脂感豐富 但係又唔會太過油膩 其他套餐嘅牛肉其實都好高質素 但係因為太多種類好難
柚子之味
餐廳特別為呢個新系列設計咗唔同嘅主題食物 當中我最鍾意柚子石斑魚柳 呢一個魚柳係連埋錫紙燒 咁就唔會黐住個網 同埋柚子味酸酸地 仲可以辟腥添呀🐟 三文魚柚子冷豆腐 柚子炸雞 柚子羽衣烏冬 柚子流心蛋糕 其他食物都非常清新 而且我地係呢一餐嘅開首食呢啲比較開胃🍰
肉類
都係因為想食佢嘅黑毛和牛 所以嗌呢個最高級嘅套餐 真係有好多選擇啊🤩 不過都唔怕花多眼亂唔知揀邊款好 因為一開始店員會先上一份拼盤 可以試晒每一款和牛☺️ 究極日本和牛三角嫩肌 極上黑毛和牛薄炙牛肋肉 極上黑毛和牛角切 極上黑毛和牛肩胛 極上黑毛和牛小排 同埋極上黑毛和牛牛肋條 都係等級五限定嘅 我就最鍾意究極日本和牛三角嫩肌 因為真係好juicy😚 油脂感豐富 但係又唔會太過油膩 其他套餐嘅牛肉其實都好高質素 但係因為太多種類好難一一同大家介紹
海鮮
另一個重點要推介嘅就係呢度嘅海鮮 照燒帆立貝 原條魷魚筒 醬燒廣島蠔 原隻鮑魚燒 半殼青口同埋大海老🦐 真係滿足到我同媽媽嘅要求 特別鍾意佢嘅大海老 因為肉質好彈牙 而且好鮮味
其他燒物
蒲燒鰻魚 鹽燒三文魚鰭 同埋骨付腸都係唔錯嘅燒物 蒲燒鰻魚同埋三文魚鰭油脂感都幾豐富 燒到熱熱辣辣咁食真係幾吸引🐟
熟食
炸黑椒雞軟骨 焦糖甘薯 上枱時熱熱辣辣 如果份量再少啲就好啦😂 因為食放題真係好飽肚 呢度仲有炸芝士年糕 煙靭嘅外皮包裹着芝士軟心🧀
自助吧
有唔同嘅蔬菜 我仲夾咗幾件菠蘿返去做飯後甜品🍍 同埋飲品 有多款汽水同茶類飲品 更重要嘅係有Asahi啤酒任飲🍺
甜品
外面有幾款日式甜品可以選擇 仲可以用QR code落單嗌燒香蕉朱古力棉花糖 榴槤炸彈等嘅甜品😛 仲有Movenpick 雪糕任食 今日咁啱只淨返焦糖燉蛋味 都幾特別 唔算好甜 外面轉角位置仲有自助軟雪糕😋
呢個放題套餐嘅肉類真係好高質 特別鍾意佢嘅和牛 level 5可以食足兩個鐘 真係大快朵頤💛🎀
張貼
