小漁村烤魚火鍋 (已結業)

上星期屋企人生日，我地一行六人就嚟試下依間新開嘅烤魚放題。餐廳好闊落，枱之間都唔會好迫，坐得舒服。而且新裝修，感覺都好乾淨企理👍🏻首先上枱嘅係海鮮拼盤，有蝦，蜆，生蠔，扇貝等等😍超大一盤，好吸睛。全部都好新鮮，鮮甜。而且海鮮嘅size都唔會話好細隻😃中間仲有麵底，吸收晒啲精華，正！然後就食烤魚，我哋因為人多，可以試多幾隻味，我最鍾意都係麻辣。辣得來仲可以食到魚嘅鮮味，之後打邊爐就用返魚嘅鍋底，a5和牛好重肉味！高質之選，而家只要影相出post喺社交平台 就送。另外估唔到嘅係煉奶小饅頭都好好食，我哋叫咗幾輪。整體嚟講餐廳食物高質，啱晒一家大細嚟聚餐，大家鍾意食咩都有，價錢亦都合理。一定會再同朋友再嚟食。