影片
更多
2024-02-29
2420 瀏覽
同朋友喺旺角試咗新開冇耐嘅韓式燒烤放題餐廳「牛一哥」，見餐廳環境幾靚，又平就試吓啦. 估唔到有驚喜喎，$248一位任點任飲任食120分鐘，10幾款自家醃製泡菜任refill仲有多款韓式小食，係真韓國人主理難怪味道原汁原味又正宗. 啱晒我啲泡菜湯同埋我好鍾意食海鮮煎餅！飲品調味料甜品全部都係自助，老闆幾大方飲品櫃勁大個好多款，仲有連酒精飲品都可以任拎，想健康啲仲有紅棗茶同大麥茶夠晒暖胃. 自助任點燒烤有多款肉類海鮮蔬菜類可以揀，種類都幾豐富㗎！另外仲有多款韓國精選料理可以付費追加，醬油蟹、韓式鰻魚、韓式生牛肉等. 見隔籬枱叫賣相都幾靚 同埋價錢都好合理. 餐廳環境帶韓國古風，卡位座位寬敞. 店員首先奉上九宮格牛盛盒，有原粒頂級肉眼、安格斯肥牛、厚切牛舌腩、五花腩、雞翼等等，肉類質素不俗。 之後手機自行落單夠晒方便環保. 上菜速度快.店員服務唔錯，都主動幫我哋換爐. 比較驚喜嘅係竟然有羊肉，印象中放題都比較少見. 另外都好鍾意佢個魷魚夠新鮮爽口又惹味. keep住encore！ 食到尾估唔到甜品都會有驚喜. 有個雪糕櫃任攞，係隻香港製造但好少見嘅品牌雪糕，有益力多味、富貴黃金果味、蜜瓜、菠
飲品調味料甜品全部都係自助，老闆幾大方飲品櫃勁大個好多款，仲有連酒精飲品都可以任拎，想健康啲仲有紅棗茶同大麥茶夠晒暖胃. 自助任點燒烤有多款肉類海鮮蔬菜類可以揀，種類都幾豐富㗎！另外仲有多款韓國精選料理可以付費追加，醬油蟹、韓式鰻魚、韓式生牛肉等. 見隔籬枱叫賣相都幾靚 同埋價錢都好合理.
餐廳環境帶韓國古風，卡位座位寬敞. 店員首先奉上九宮格牛盛盒，有原粒頂級肉眼、安格斯肥牛、厚切牛舌腩、五花腩、雞翼等等，肉類質素不俗。 之後手機自行落單夠晒方便環保. 上菜速度快.店員服務唔錯，都主動幫我哋換爐.
比較驚喜嘅係竟然有羊肉，印象中放題都比較少見. 另外都好鍾意佢個魷魚夠新鮮爽口又惹味. keep住encore！
食到尾估唔到甜品都會有驚喜. 有個雪糕櫃任攞，係隻香港製造但好少見嘅品牌雪糕，有益力多味、富貴黃金果味、蜜瓜、菠蘿椰子，細細杯食多幾款都仲得，真係食唔停.
食放題真係好青春仲平靚正，快啲約朋友去試吓啦😍
張貼
