八幡屋涮涮鍋

營業中

休息中

好耐冇食過放題，朋友話好想食，但我又想打邊爐，不過好在旺角都有唔少選擇。咁岩見到唔少人都推薦嘅呢間八幡屋放題火鍋，有放題之餘又有邊爐打，好似幾正咁。一入到去好快就安排咗座位，唔需要喺門口等太耐。出邊分咗天婦羅炸物、蔬菜、前菜、火鍋配料、飲品等嘅自取區域。款式都算多同埋refill得幾快。至於火鍋海鮮同燒物等就可以用QR code落單，都幾方便。我哋叫咗美國牛肩胛同澳洲和牛肉質唔錯，牛味幾香。而且切得夠薄，淥幾秒就食得，唔會太老。最緊要係唔會太肥，女仔食多少少都唔怕！龍蝦湯底幾甜，蕃茄味就較淡，但湯底都冇咩所謂嘅。因為最緊要係有原隻嘅龍蝦係湯底，望落都夠開心，抵返晒啦！海鮮拼盤都OK，但我就比較鍾意食刺身，尤其係大大粒嘅帶子，甜蝦都好大隻，三文魚都肥美，足足encore左幾次。不過可能人多嘅關係，燒物就出得比較慢，但係火鍋同刺身嘅速度都好快，整體來講都OK。