影片
更多
2018-07-31
1725 瀏覽
一開始入到餐廳，見到都幾多人下， 本身諗住搵個好啲嘅位囉lighting點知都已經full曬book曬lu。我哋一開始就嗌咗刺身:有馬赤貝，帆立貝，挪威三文魚。首先就講咗挪威三文魚先啦， 三文魚味非常之濃厚，而且每一片都砌得好厚， 所以咬佢嘅時候好有口感， 而且好滿足，每一塊都好大塊，兩個人我哋都係嗌咗10塊咋。 其他馬赤貝， 象拔蚌嗰啲都冇咩特別 ，但係個帆立貝真係要講下。 帆立貝粒粒都好新鮮，好大粒 。食落去嘅時候海水嘅鹹味同埋帆立貝嘅鮮甜夾埋一齊 ，食落去好fresh， 鮮甜嘅味道喺口腔徘徊不走，真係食過返尋味。除咗刺身之外，我哋都嗌咗其他嘢㗎。最值得讚嘅就係榴槤炸彈。 一開始嗌嘅時候其實都唔知咩係榴槤炸彈，不過攞到過嚟嘅時候先知道原來係炸榴槤糯米糍。 糯米糍皮薄餡靚， 仲要炸到好脆，一用筷子拮落去就即刻分開兩半，然後見到淡黃色嘅榴槤漿慢慢流出嚟，嗅覺同埋視覺亦都同時被震撼。食落去嘅時候口感非常之好，糯米皮外脆內軟，榴槤醬味道濃郁，我哋兩個人嗌咗四碟。去到放題嘅最後一部分，侍應會派一張甜品紙畀我哋，甜品只可以嗌一次， 我哋嗌咗朱古力心太軟同埋木糠布丁，木糠布丁有相自己睇啦。 而朱
我哋一開始就嗌咗刺身:有馬赤貝，帆立貝，挪威三文魚。
首先就講咗挪威三文魚先啦， 三文魚味非常之濃厚，而且每一片都砌得好厚， 所以咬佢嘅時候好有口感， 而且好滿足，每一塊都好大塊，兩個人我哋都係嗌咗10塊咋。
其他馬赤貝， 象拔蚌嗰啲都冇咩特別 ，但係個帆立貝真係要講下。 帆立貝粒粒都好新鮮，好大粒 。食落去嘅時候海水嘅鹹味同埋帆立貝嘅鮮甜夾埋一齊 ，食落去好fresh， 鮮甜嘅味道喺口腔徘徊不走，真係食過返尋味。
除咗刺身之外，我哋都嗌咗其他嘢㗎。最值得讚嘅就係榴槤炸彈。 一開始嗌嘅時候其實都唔知咩係榴槤炸彈，不過攞到過嚟嘅時候先知道原來係炸榴槤糯米糍。
糯米糍皮薄餡靚， 仲要炸到好脆，一用筷子拮落去就即刻分開兩半，然後見到淡黃色嘅榴槤漿慢慢流出嚟，嗅覺同埋視覺亦都同時被震撼。食落去嘅時候口感非常之好，糯米皮外脆內軟，榴槤醬味道濃郁，我哋兩個人嗌咗四碟。
去到放題嘅最後一部分，侍應會派一張甜品紙畀我哋，甜品只可以嗌一次， 我哋嗌咗朱古力心太軟同埋木糠布丁，木糠布丁有相自己睇啦。
而朱古力心太軟係值得讚嘅，雖然好細粒，但係係大概75至80 percent 黑朱古力做嘅。味道非常濃郁，好似食緊一粒生朱古力咁，其實個口感都幾似生朱古力。
總括而言呢餐生日飯都算食得好開心，好滿足。由於呢間餐廳好多人book嘅緣故，所以大家想食嘅話就要記住早啲留位啦！
張貼
