汀汀烤活魚 (已結業)

今日去咗旺角樓上鋪食烤魚，之前聽個friend話試過呢間汀汀烤活魚好好食，今日就跟佢一齊上去試下啦。 餐廳裝修超型格，暗黑中，有紫藍色嘅霓虹燈管，仲有塗鴉喺牆上，充滿時代感。前菜提供炸花生粒。而家只要社交平台share汀汀烤活魚三個朋友就有一碟新鮮本地製牛肉贈送。 我哋點咗老壇酸菜魚。酸菜非常多，非常足料。 原條鱸魚，店主話鱸魚每日新鮮起骨鱸魚，仲將起咗嘅魚骨炸成片，比我哋當小食用。 用盡整條魚來做菜色，非常特色。鱸魚魚肉非常厚，肉質非常滑嫩，好有魚味。 選左小辣，唔會搶走魚嘅鮮味。 叫咗自家製小食炸蓮藕餅，蓮藕餅超足料。每一啖咬落，都食到蓮藕，非常爽口，索索聲。 魚用亦非常彈滑，同蓮藕簡直係天仙之合。 超型嘅apple cider 特飲 及 水果茶超特別既外觀，原枝apple cider 倒轉落酒杯上，夠誠意，超適合打卡用。水果茶入面嘅水果超足料，滿咗1/2 杯茶。 內有西瓜粒、火龍果粒同橙肉粒超足料。 食完酸菜魚後，用來降火超一流。