影片
更多
2025-03-13
199 瀏覽
《人生有限杯.串燒店 - 旺角》近來真係好喜歡食燒烤串燒，朋友聚會都會選擇食串燒，可以飲番杯食幾串傾下計😆食過咁多間燒烤店，呢一間串燒店可以話係性價比最高既一間，最平$10就叫到一串串燒，食十串過下口癮人均都係百零蚊左右😉仲有不得不提係呢度既Sapporo生啤大大杯都係$48，仲要買一送一添，平均$24一杯，飲十杯都唔過份💁🏻♀️香燒翠玉瓜 $10燒淋左既翠玉瓜勁爆汁，基本上落少少岩鹽食佢嘅原汁原味已經好好食💁🏻♀️蜜糖燒菠蘿 $10雖然係原條燒菠蘿，但係$10一串嘅切片新鮮菠蘿的確係好抵食，面頭有一層焦糖，食落十分甜美💁🏻♀️椒鹽雞軟骨 $15雞軟骨食落好有咬口，用嚟送酒一流，椒鹽令到雞軟骨食落更惹味💁🏻♀️鹽燒雞中翼 $20一串有兩隻雞中翼，個外皮燒得都幾香脆，雞肉醃得入味，所以唔使再點調味💁🏻♀️鹽燒鮮雞皮 $20同樣係每次必點嘅燒雞皮，裏面嘅脂肪全部清理乾淨之後得返皮嘅部份，所以食落好香脆，勁惹味💁🏻♀️椒鹽燒雞尾 $20之前喺日本食過雞尾後覺得太過油膩，不過對比起日燒，港式嘅椒鹽燒雞味又好似冇咁膩嘅感覺，咬落去有油香，個口感好特別，有啲好似cream咁嘅質地💁🏻♀️汁燒雞隔膜
近來真係好喜歡食燒烤串燒，朋友聚會都會選擇食串燒，可以飲番杯食幾串傾下計😆食過咁多間燒烤店，呢一間串燒店可以話係性價比最高既一間，最平$10就叫到一串串燒，食十串過下口癮人均都係百零蚊左右😉仲有不得不提係呢度既Sapporo生啤大大杯都係$48，仲要買一送一添，平均$24一杯，飲十杯都唔過份
💁🏻♀️香燒翠玉瓜 $10
燒淋左既翠玉瓜勁爆汁，基本上落少少岩鹽食佢嘅原汁原味已經好好食💁🏻♀️蜜糖燒菠蘿 $10
雖然係原條燒菠蘿，但係$10一串嘅切片新鮮菠蘿的確係好抵食，面頭有一層焦糖，食落十分甜美💁🏻♀️椒鹽雞軟骨 $15
雞軟骨食落好有咬口，用嚟送酒一流，椒鹽令到雞軟骨食落更惹味💁🏻♀️鹽燒雞中翼 $20
一串有兩隻雞中翼，個外皮燒得都幾香脆，雞肉醃得入味，所以唔使再點調味💁🏻♀️鹽燒鮮雞皮 $20
同樣係每次必點嘅燒雞皮，裏面嘅脂肪全部清理乾淨之後得返皮嘅部份，所以食落好香脆，勁惹味💁🏻♀️椒鹽燒雞尾 $20
之前喺日本食過雞尾後覺得太過油膩，不過對比起日燒，港式嘅椒鹽燒雞味又好似冇咁膩嘅感覺，咬落去有油香，個口感好特別，有啲好似cream咁嘅質地
💁🏻♀️汁燒雞隔膜 $20
呢一個都有少少似雞皮嘅質感，但係用咗汁燒嘅方法製作，個雞隔膜質地比較煙靭彈牙，鹹鹹甜甜幾香口💁🏻♀️有限杯之忌廉煮蜆 $68
濃稠嘅忌廉汁配上新鮮嘅蜆肉，口感幾滑溜，不過個人覺得個汁太濃稠，反而有少少遮蓋咗蜆肉本身嘅鮮甜，但係鍾意食白汁嘅人應該幾喜歡，重點唔會太鹹，食晒成個忌廉汁都唔會太滯💁🏻♀️鹽燒牛舌芯 $28
揀選咗牛舌最大嘅部份，咬落鬆軟彈牙，有少少鹽調味就已經幾好食💁🏻♀️紫蘇鹿兒島雞頸肉 $28
雞頸肉嘅部份油脂都比較豐富，肉質唔會柴皮，配上紫蘇葉嘅香氣，帶出到雞肉嘅原汁原味
💁🏻♀️鹽燒和牛牛小排 $48
牛小排肥瘦均勻，一串有三件，呢個價錢嚟講係有少少pricy既，不過咬落幾香幾有肉味，但係同時間又幾有油香💁🏻♀️山椒鰻魚汁燒白鱔 $48
呢度特別調製嘅鰻魚汁有少少麻椒嘅感覺，食落香口執嚟有少少刺激，個皮脆卜卜而過肉就十分彈牙，值得一試💁🏻♀️鰻魚飯團 $38
本身已經調味嘅飯團再燒香，塗上甜甜地嘅醬汁再燒到脆卜卜，上面放咗一大片汁燒鰻魚，可以用紫菜包住米飯同埋鰻魚一齊食用💁🏻♀️蒜蓉燒蠔（2隻）$48
個人覺得呢個消耗真係可以encore 10次，平均$24/隻生蠔，size幾大又creamy，用咗最適合嘅蒜蓉同辣椒調味，呢個配搭永遠無錯的
張貼
