麻辣風雲 (已改名) 查看

講到食得最多嘅川菜，一定非「麻辣風雲」莫屬。今次就去到旺角分店，性價比一樣係咁高，店員仲安排左我地坐中式涼亭，食嘢嘅時候就更加有氣氛。荔枝蝦球好多朋友見到啲相，仲問我係咪真係食緊荔枝，其實係像真度好高嘅蝦球。外層係紅色嘅炸皮，菜式送到上嚟嘅時候仲有乾冰，蝦球外脆內軟。水煮魚可以自由選擇辣度，所以怕辣嘅人士都唔洗驚。湯底夠麻夠香，配料有我最愛嘅薯粉、芽菜和蓮藕片等等，一次過試晒咁多款都好滋味。拔絲咕嚕肉面頭係鬆軟嘅拔絲，造型感十足。咕嚕肉外脆內軟，酸酸甜甜好開胃。