村上居酒屋 (已結業)

今日去旺角行街，中午時候想食壽司，經過餐廳門口，見到好多壽司刺身相，就吸引左入去。午市定食有多款選擇，有爐端燒、鍋物、拉麵等。我和友人嘅目標好清晰，所以我哋好快就揀好咗兩款壽司刺身定食。特上壽司定食刺身壽司定食兩個定食嘅壽司分別在於特上壽司定食會多咗赤身壽司、海膽壽司同埋蝦壽司。每款壽司都很新鮮，魚脂甘香，吞拿魚雖然唔係拖羅，但係都冇筋。海膽好鮮甜，少少海水味，軟綿綿好正。蝦壽司有2隻大蝦，好鮮甜，肉質有少少膠囗，又唔會梅。刺身壽司定食就有三件三文魚刺身同埋兩件油金魚刺身，兩款刺身都超級厚切，新鮮鮮甜。三文魚軟滑，油甘魚有少少咬口，軟糯有彈性。每個定食都配有一碗麵豉湯、麻醬沙律、一碗迷你烏冬和甜品。麵豉湯同麻醬沙律就是熟識的味道，好味的，我唔多介紹。烏冬雖然是配角，但一樣好好味，湯底是豬骨湯底，沒有多油而且唔太鹹,烏冬口感煙韌，配料亦不馬虎，除了有粟米粒，還有我鍾意嘅筍、木耳絲同埋蔥粒。最後甜品就是一粒維記雪米糍，雲呢拿味的。因為同熱食一起上枱，食嘅時候有點溶，如果餐廳可以最後先上甜品會更好。