影片
更多
2009-04-27
13 瀏覽
今日約左個friend o係朗豪坊頂樓飲下午茶, 經過SKY BAR見到佢做緊一個十八層o既和牛漢堡promote, 身為Mr. Burger o既我點會放過, 咁啱今晚約左另一個friend o係旺角食飯, 即刻走埋去問下佢夜晚重有冇得食, 個Waiter就問左我叫咩名話同我留定一個, 但好奇怪佢冇問我幾多位, 又話唔駛訂枱, 可能係預左唔會full掛... 我實在太期待試呢個burger, 個friend未到我就上左去攞位先, 去到見到門口寫住和牛漢堡已經賣晒, 心諗好彩有留左一個比自己姐...唔洗等就即刻有位坐低, 我即時搵個waiter問下佢係唔係留左個漢堡比我, 點知佢話冇record!!! 我即時嬲到出唔到聲! 佢係咁同我say sorry, 叫我試下其他野食, 但係我當時真係好嬲, 所以唔理佢起身就走, 即刻打比個friend諗住轉地方食, 點知個waiter同埋一個疑似經理o既店員都追出黎同我say sorry, 又話可以請我地飲野作補償, 我個friend咁啱到左, 佢覺得佢地幾有誠意, 所以決定比次機會佢試下佢地d野.我地四個人叫左四個main dish同四個coc
我實在太期待試呢個burger, 個friend未到我就上左去攞位先, 去到見到門口寫住和牛漢堡已經賣晒, 心諗好彩有留左一個比自己姐...
唔洗等就即刻有位坐低, 我即時搵個waiter問下佢係唔係留左個漢堡比我, 點知佢話冇record!!! 我即時嬲到出唔到聲! 佢係咁同我say sorry, 叫我試下其他野食, 但係我當時真係好嬲, 所以唔理佢起身就走, 即刻打比個friend諗住轉地方食, 點知個waiter同埋一個疑似經理o既店員都追出黎同我say sorry, 又話可以請我地飲野作補償, 我個friend咁啱到左, 佢覺得佢地幾有誠意, 所以決定比次機會佢試下佢地d野.
我地四個人叫左四個main dish同四個cocktail.
龍蝦汁煮青口+大蝦 (二人前) - 味道唔錯, 但係個份量唔多似二人前喎, 有冇主食跟, 一定食唔飽兩個人.
白酒煮青口+薯條 - 青口鮮甜, 薯條香口, 份量仲好大, 有成四五十隻, 推介!!
超級拼盤 (牛扒+大蝦+鵝肝+薯條) - 因為同Mr. Steak同一集團, 所有野都烤得唔錯, 唯獨份量太少...
海鮮闊條面 - 不過不失
四個drink都唔錯, happy hour仲買一送一, 不過是次全部由經理請我地飲, THANK YOU!
總體而言, 食物質數ok, 服務都唔錯, 最重要係環境都幾舒適, 唔會好多人, 仲有波睇添! o係旺角都幾難搵到咁o既地方坐下, 唯獨樓下舞台表演唱歌o既聲音過大, 同埋收費都有d貴啦...
經理最後仲送左張coupon比我地下次食burger用, 我地都決定下次會黎試埋佢.
張貼