影片
更多
2018-08-07
32 瀏覽
出開旺角探朋友, 想避開旺角最迫人既地方搵飯食, 可以行去廣華街0個邊, 通常都唔洗等位。經過見到阿來, 入面坐無虛席應該唔會差, 就同朋友入左去食啦。入到去D店員都好熱情招呼, 仲主動介紹餐廳有咩好食。姐姐介紹我地食肉骨茶, 一黎到見到個心都嘩左出黎, 咁足料既, 而且湯好香藥材味, 濃濃既肉汁味, 好好飲, 排骨全部都已經煮到好淋好入味, 入面仲有好多豆卜吸哂D湯, 好正~~金磚豆腐, 豆腐好滑, 個皮薄又脆, 而且調味適中! 咸蛋黃雞翼, 隻隻雞翼都俾咸蛋黃包住, 雞翼係單骨食起上黎好方便, 勁惹味~飲番杯咸檸七GUR一GUR青咖哩雞, 份量好多, 配埋簿餅, 4個人都食唔哂馬拉盞炒椰菜苗, 呢個份量反而少左d, 但係味道都好好, 而且菜都炒得0岩0岩好, 唔會太老或者太生鐵板蠔仔蛋, 本身我地冇叫呢個, 但係見到黎枱叫左, 香味飄到成間鋪都係, 攪到我地流哂口水忍唔住都叫左一個黎試下呀! 果然好好味, D蛋同蠔仔一D冇老, 下面仲有好多芽菜0係底吸哂D味, 蠔仔仍然係好鮮味, 很不錯。最後叫左2個甜品, 都好唔錯呀!呢間鋪雖然唔起眼, 但係食物全部都好好食, 而且見到廚房入面都
入到去D店員都好熱情招呼, 仲主動介紹餐廳有咩好食。
姐姐介紹我地食肉骨茶, 一黎到見到個心都嘩左出黎, 咁足料既, 而且湯好香藥材味, 濃濃既肉汁味, 好好飲, 排骨全部都已經煮到好淋好入味, 入面仲有好多豆卜吸哂D湯, 好正~~
金磚豆腐, 豆腐好滑, 個皮薄又脆, 而且調味適中!
咸蛋黃雞翼, 隻隻雞翼都俾咸蛋黃包住, 雞翼係單骨食起上黎好方便, 勁惹味~
飲番杯咸檸七GUR一GUR
青咖哩雞, 份量好多, 配埋簿餅, 4個人都食唔哂
馬拉盞炒椰菜苗, 呢個份量反而少左d, 但係味道都好好, 而且菜都炒得0岩0岩好, 唔會太老或者太生
鐵板蠔仔蛋, 本身我地冇叫呢個, 但係見到黎枱叫左, 香味飄到成間鋪都係, 攪到我地流哂口水忍唔住都叫左一個黎試下呀! 果然好好味, D蛋同蠔仔一D冇老, 下面仲有好多芽菜0係底吸哂D味, 蠔仔仍然係好鮮味, 很不錯。
最後叫左2個甜品, 都好唔錯呀!
呢間鋪雖然唔起眼, 但係食物全部都好好食, 而且見到廚房入面都係泰國人做廚師, 唔怪得咁好食啦!!
張貼
