吃吧 (僑建大廈) (已結業)

今日下午太忙冇食lunch, 於是同老公食early dinner 補返。呢間樓上餐廳好幾年前食過一次，今日途徑，決定再上去試吓。檸檬牛油煎比目魚柳配忌廉椰菜花飯$168比目魚柳煎得好香，魚皮香脆，魚肉滑溜，魚油甘香。配上健康嘅椰菜花飯，個菜式低卡生酮又好味。西班牙海鮮飯 $178個飯比平時吃的西班牙飯稍為較多汁，多蕃茄，d茄醬幾香濃，海鮮份量超多，有青口，帆立貝，蜆肉，蝦。爽口彈牙。慢煮香草牛柳配松露泡沫大啡菇$188慢煮牛柳肉色好粉嫩，肉質好腍, 牛肉味幾香。大啡菇juicy, 沾上松露醬，是雙重嘅菌香，很好吃。曲奇朱古力奶昔$68邪惡嘅打卡靚靚飲品，沙冰慢慢溶化變奶昔，好香滑，朱古力味香濃加上曲奇脆脆，大大杯好喝。焦糖蜂蜜奶昔 $68呢個奶昔好香甜，味道有啲似雲尼拿雪糕，味道討好，加上爆谷，好令人開心。