吃吧 (僑建大廈) (已結業)

約咗舊同學旺角聚會，呢間樓上餐廳啲嘢食唔錯，環境都幾適合幾個朋友傾偈食嘢。吃吧招牌拼盤 $138一打開盒有仙氣效果，即刻相機食先。有總共六款小食，其中我最鍾意煙三文魚珍珠洋蔥撻精緻又好味，蝦芒果莎莎蝦肉好爽口，松露芝士煙燻芝士兩款都好香濃😋慢煮香草牛柳配松露泡沫大啡菇 $188牛柳因為慢煮嘅關係好柔軟，裏面保持肉汁👍🏻，仲有好香嘅香草味同埋少少好似煙燻嘅味道，配埋多汁嘅大啡菇，成個味道好濃郁😋。伴碟嘅黑松露薯蓉同埋焗蒜頭都好好食，啱晒我鍾意濃味重口味嘅胃口。西班牙海鮮飯 $178呢個飯勁多料😍，有足足三大隻帆立貝、三大隻蝦、三隻青口，仲有好多蕃茄仔。煩嘅調味幾好食😋，但係略嫌過濕，有少少似湯飯嘅感覺，如果乾身返啲就完美。曲奇朱古力奶昔$68賣相夠晒吸引，成座爆谷山咁樣，朱古力味好香濃😋，唔會好甜👍🏻枸杞菊花 $46朋友因為養生，所以揀咗呢款熱飲😆佢一打開杯蓋我已經聞到嗰浸菊花香味同埋枸杞嘅甜味。