龍城冰室

營業中

休息中

今日打風，近近地搵左間茶記黎試。朋友話龍城冰室好近旺角地鐵站。點知一出唔洗擔遮就已經係龍城冰室果門口，唔洗淋雨，又唔洗點等位，突然覺得好幸福。 午餐都有A至E可以揀，每日唔同，仲要包埋中/西湯，同埋一杯野飲。今日我就嗌左A餐食菠蘿生炒骨，先黎既系湯，我就揀左中湯，中湯系無味精的老火湯。其後黎既係主菜，餸同飯係分開，果白飯好大份，最後我只食到一半，而生炒骨酸甜酸甜超級開胃，仲要每舊肉都好大粒，好抵食。