LAB10 (已結業)

旺角朗豪坊10樓商場內一間無煙韓式燒肉店——lab 10，裝修設計理念特別，例如牆壁上既大型打卡位、鐵架上既玻璃樽等，成個環境偏向時尚新潮既風格，有別於一般傳統韓式燒肉店，加上樓底高，空間感充裕～ 而無煙燒肉應該係lab 10最大賣點之一，今次體驗完，真係完全無咩燒烤味，食客唔洗擔心食完成身油煙味💨 食物方面，選擇既種類都好多元化，而且仲有自助小食區等，可以唔淨只食燒物～ 而食物質素方面，味道大致上都合乎水準，特別推介韓式燒五花，薄身、肉質嫩口入味，另外蜆肉大粒鮮味十足，更值得一讚既係，餐廳上菜速度快，整體而言都好滿意🥢