八幡屋涮涮鍋 (已結業)

好耐冇同過余爸爸拍拖喇! 呢晚同佢到左八幡屋涮涮鍋 (旺角) 食買一送一住食【和牛海鮮火鍋•刺身放題】, 原價$368/位，而家有買一送一真係好抵呀！而且仲可以可任飲任食3小時~好彩我地早入座所以冇咩人，可以慢慢享受~火鍋最緊要係個湯底，我地一於加錢轉鴛鴦鍋，揀左蕃茄龍蝦湯和昆布清湯，龍蝦湯要另外再加錢但都好值，因真係好鮮甜而且非常足料，大大邊龍蝦放落去餚湯，加入蕃茄非常美味~我地食左好多轉和牛、牛肩胛呀～ 肉質的確好嫩滑，牛味香濃~ 而海蝦、帆立貝、廣島蠔等9款海鮮都食左幾轉呀！燒菠蘿和金菇牛肉卷都好好味~回本了~仲有新鮮帶子、赤蝦、劍魚腩等12款刺身都係任食㗎! 啱晒海鮮控~ 大推赤蝦，肉質甜美爽口~ 仲有即叫即燒大蝦、燒牛脷等多款日式燒物、炸物、手握壽司、沙律甜品等~ 清酒，啤酒汽水都可以任飲，火鍋配料都可以無限追加！亦有自助熱盤、雪糕和飲品大量供應，讓大家可以吃得更盡情~ 嗰晚我地真係要棒住個肚走呀！