潮城潮汕火鍋

營業中

休息中

喺香港想打邊爐好方便，各式各樣任君選擇，今日就食個潮汕火鍋，朋友話未試過，我就帶佢去見識吓，火鍋店在旺角白布街看似新開業，典型火鍋格局，牆上掛着一隻牛圖案，展示全隻牛每一個部位，朋友笑稱聽都未聽過，咁就叫啲特別食材試試。先簡單叫個蕃茄粟米豬骨湯底，湯底用料足，鋪滿蕃茄、粟米及蘿蔔。潮城牛肉三拼有牛嫩肉、匙柄、三花趾。嫩肉脂肪比例較少啱晒怕肥人士，匙柄係肋骨之下位置，入口柔軟又有彈性。三花趾即牛前腿部位置，類似牛腱但肉質更細膩，口感爽滑彈牙。豬肉芹菜餃，餃皮好滑豬肉味濃有肉汁，芹菜香脆爽口。獅頭鵝肉丸，口感近似豬肉丸，爽口有彈性，就是多一重鵝肉加上胡椒香味。炸潮州蝦棗，即叫即炸彈牙有蝦味，以上都是普通火鍋較少出現食材，給朋友新的體驗。