影片
更多
2017-06-05
21 瀏覽
好難得可以一家人夜晚都得閒，按規矩緊係要去食好西啦～由於媽咪想食又平味道又ok的放題，所以就揀左呢間「神戶屋」啦～好多人都話兆萬樓上無野好食，今次等隊長B幫手平反下啦！ 呢度啲座位幾得意，同平時嘅擺位唔同，無想像中咁逼，比較多四人枱，可能因為晏，所以去到嘅時候都有幾多位～等店員安排左座位之後就開始睇嘢食啦！原來呢度有海膽同生蠔送，每人可以揀一份，跟住一圍仲有一個鍋可以揀，分別係日本和牛壽喜燒同韓式芝士部隊鍋～鑑於唔想咁滯於是揀左果斷選擇日式～ 出乎意料之外，個鍋好好味，湯底超甜而且濃，店員仲會特別比多隻生蛋可以自己放入去煮，一卡左蛋成個鍋即刻十分吸引的說～牛肉好滑而且真肥牛，唔會有筋或者靭～仲有好多菜墊底～如果有得任叫就好啦！ 海膽同生蠔跟頭單刺身到，海膽有青瓜相伴感覺特別fresh，兩份等如1/4板板膽都算係咁啦，如果有得任叫會更吸引～生蠔有特製蠔汁，唔會太腥，蠔亦算大隻～呢度幾好嘅係好少漏單，刺身亦夠新鮮，仲有天使蝦、松葉蟹鉗同泰式生蝦揀，呢啲相對都算特別～蟹鉗好鮮有蟹味，天使蝦好有口感，生蝦有泰式辣汁相伴好開胃夠辣～象拔蚌都係相對唔錯嘅，大大片好有海水味～
好難得可以一家人夜晚都得閒，按規矩緊係要去食好西啦～由於媽咪想食又平味道又ok的放題，所以就揀左呢間「神戶屋」啦～好多人都話兆萬樓上無野好食，今次等隊長B幫手平反下啦！
呢度啲座位幾得意，同平時嘅擺位唔同，無想像中咁逼，比較多四人枱，可能因為晏，所以去到嘅時候都有幾多位～等店員安排左座位之後就開始睇嘢食啦！原來呢度有海膽同生蠔送，每人可以揀一份，跟住一圍仲有一個鍋可以揀，分別係日本和牛壽喜燒同韓式芝士部隊鍋～鑑於唔想咁滯於是揀左果斷選擇日式～
出乎意料之外，個鍋好好味，湯底超甜而且濃，店員仲會特別比多隻生蛋可以自己放入去煮，一卡左蛋成個鍋即刻十分吸引的說～牛肉好滑而且真肥牛，唔會有筋或者靭～仲有好多菜墊底～如果有得任叫就好啦！
海膽同生蠔跟頭單刺身到，海膽有青瓜相伴感覺特別fresh，兩份等如1/4板板膽都算係咁啦，如果有得任叫會更吸引～生蠔有特製蠔汁，唔會太腥，蠔亦算大隻～呢度幾好嘅係好少漏單，刺身亦夠新鮮，仲有天使蝦、松葉蟹鉗同泰式生蝦揀，呢啲相對都算特別～蟹鉗好鮮有蟹味，天使蝦好有口感，生蝦有泰式辣汁相伴好開胃夠辣～象拔蚌都係相對唔錯嘅，大大片好有海水味～
至於壽司同卷物，火灸系列真係好正！尤其中意佢個火灸沙律醬燒三文魚腩壽司同埋火灸玻璃蝦壽司～熱辣辣剛燒好，飯唔會太大粒，燒得超入味～如果唔係肚子空位有限都會叫多幾粒⋯⋯牛油果軟殼蟹卷唔錯，雖然唔係咁脆不過幾香，芝士鰻魚卷個鰻魚汁就有少少怪怪的，但都好吃的～
和食方面，無叫鍋物淨係叫左串燒同天婦羅～串燒腩肉真心正，和牛都幾好味～好夠淋同入味～但天婦羅類就相對厚粉，特別係多春魚⋯秋葵蝦反而幾得意，秋葵包住隻蝦雖然味道唔係太突出，但是幾新穎～
正所謂任飲任食，講完食緊係講飲～飲品都算多選擇，仲有啲特別果汁款—Sas peach / pineapple drink with pulp～兩者都幾好飲，果汁味幾濃，而且仲有果肉添～甜品有好多雪條同埋啫喱/奶凍，仲有Mini版嘅百福豆腐花，一定夠食～
價錢每位＄169起，好抵又唔至於，但係旺角區食到性價比OK嘅放題，呢度都可以係一個選擇嚟嘅～
張貼
