新南苑私房菜火鍋鷄煲 (華僑商業中心) (已搬遷) 新店位置

呢晚約左余爸爸撐枱腳，因為我地同樣都係雞煲嘅fans啊！聽朋友講 新南苑私房菜火鍋雞煲(旺角)嘅雞煲和火鍋180分鐘放題好抵食又美味，所以今次就試呢間～ 職員安排左個卡位俾我地，坐得好舒服~餐廳門口和餐廳內都放左好多ironman嘅figure, 相信老板一定係ironman fans嚟! 哈哈~ 肚餓喇~ 首先食雞煲，係無限追加的，可以揀大、中、小辣或者唔辣，我地揀左小辣，自己每2分鐘炒一次，合共炒4次就可撈埋油炸鬼落去一齊食，雞肉肉質香嫩，唔會overcooked, 而且好入味，原來油炸鬼配雞煲味道係幾夾的，呢個食法幾特別啊！雞煲食夠喉，就可以通知店員轉火鍋，我地呢個係蕃茄蔬菜湯底，簡單就是最好~ 我地火鍋揀左牛摩王套餐，職員會先上一盤4款嘅牛牛和【灌湯小籠包】俾我地，之後可以隨喜好追加~ 4款牛牛包括:*美國黑毛和牛 *安格斯肩胛肥牛 *安格斯牛小排 *美國肥牛牛肉好新鮮，最喜歡黑毛和牛和肩胛肥牛，肉質香滑鮮嫩~ 另外有點餐紙，上面近40款食材全部都可以免費追加，當中嘅豚肉、豬頸肉、墨魚丸、鮮蝦雲吞和芝士丸我地都點左兩、三轉~ 炸魚皮好香脆，唔會太咸，值得一試~飲品亦是無限添飲，