HeSheEat (白布街) (已結業)

我同家人當日到旺角新春購物，中午見到呢間餐廳，餐牌食物感覺唔錯就入去試吓。走入HeSheEat樓上，環境比較闊落，喺旺角繁囂嘅街道中，有一個休閒感覺嘅地方，頓時好似進入另一個世界，有其他食客都是一、兩個人飲下咖啡、食下甜品、好自在咁慢慢嘆；而且食中午特定午餐仲有買一送一優惠。特定午餐，我們選了BG2-芝麻菜瑪格麗特薄餅、BG3燒芝士雞胸佯伴香辣青醬燉飯再加一個 HE SHE EAT BRUNCH，點多個香蕉奶昔、西柚錫蘭紅茶好快就上咗個杯香蕉奶昔，主菜未到就飲晒杯奶昔，好味到唔停得口。之後上菜嘅係薄餅，一上嚟就熱辣辣，茄醬、芝士，加上新鮮蕃茄蓉， Pizza夠薄好香又脆。好好味。再之後係HE SHE EAT BRUNCH，香腸外皮整得好脆，內裹仲有少少肉汁，唔會太乾，正！其他嘅配搭就保持一定水準。最後上嘅主菜係燉飯，反而是最有驚喜的一個，有別於一般嘅risotto , 有辣味 ，芝士味唔會太重，唔油膩，最值得推介。