阿里郎熱狗棒 (已結業)

🇭🇰｜阿里郎熱狗📍旺角奶路臣街12-26號啟賢大廈地下7B號舖———————————————行過旺角 又成日想食小食？ 旺角唔只旺中有小食發掘 其實街舖都有寶藏 呢間阿里郎熱狗 出晒名食爆芝韓式熱狗 而且全部都係即叫即整 見到太吸引 就咩都買啲黎試😆🔖甜辣醬炸雞 炸得好脆 醬汁濃郁稠杰 入口先嘗到甜味 甜味化開後 辣味湧出 後勁頗勁 雖然都幾辣 但又唔會接受唔到 不過d肉就平平無奇 無咩肉汁🔖薯仔熱狗好好食 😍😍😍 其實 就係 韓式熱狗皮包住水牛芝士 面層有薯波 口感超好 薯粒仲全部都好大粒 食落好厚實 中間啲芝士仲要超拉芝！ 🔖三重芝士熱狗呢個熱狗味都好好食 超級重芝士味 呢條內外 全條都係芝士 雖然對著芝士控嘅我黎講 好開心 好滿足 但食多咗就會有少少濟🔖韓式炒粉絲食得出好香麻油味 調味都做得唔錯 粉絲嘅麵質煮得剛好 有啲彈牙 唔會覺得佢煮過左 好淋咁 🔖蔬菜飯卷飯卷都有好多口味比你揀 但我就揀左蔬菜 覺得佢包得有少少唔夠實 食其中一條個時 一夾起就散 食個時有啲困難 無得一啖過 但整體味道係好好食 算係以上菜式黎講 可以中和下