$10專區
♦️鹽燒西班牙五花腩
肥瘦分明，燒得幾乾身。
♦️惹味燒雞腳筋
雞腳筋呢個部位幾罕見，幾有咬口。
♦️泰式燒墨魚鬚
魷魚鬚非常彈牙，點埋泰式辣汁真係幾美味🦑
$15專區
♦️黑松露燒雞肝
個人幾喜歡食雞內臟，雞肝入口夠粉，面頭加埋啲黑松露辟味。
♦️味噌松板豬
松板豬質感有少少似豬頸肉，可以點埋蛋黃醬一齊食。
$20專區
♦️鹽燒雞腿肉
雞腿肉夠晒嫩滑，係encore之選。
♦️鹽燒鮮雞皮
雞皮燒得好乾身，勁香口。
♦️椒鹽雞軟骨
每一粒都幾飽滿，真係食完一串再一串。
牛肉
♦️鹽燒牛舌芯
勁厚切，鍾意牛肉嘅朋友一定唔可以錯過。
♦️ 鹽燒和牛牛小排
牛肉味道幾濃郁，牛小排肥瘦均勻🐮
海鮮
♦️蒜蓉燒蠔
燒蠔超大隻又creamy，有埋蒜蓉喺面真係好惹味🦪
♦️蒜蓉欖角燒蟶子
質感爽口，可以逐隻嗌，真係啱晒一大班人一人一隻。
蟹粉豆苗
呢個可以話係期間限定嘅菜式，呢個時間食蟹粉同豆苗都好啱時候 。豆苗面頭有蟹肉同埋蟹膏好唔錯。
蝦多士
呢個蝦多士係新出品，多士炸到金黃外脆內軟，蝦滑嘅份量都好多🦐
墨魚滑＋紫菜+大蝦
呢個同樣係新出品，有乾爽香脆嘅紫菜包裹住墨魚滑同埋大蝦，入口幾彈牙，係個幾有創意嘅特色料理。
明太子忌廉烏冬
烏冬幾彈牙，而且勁掛汁，Creamy嘅醬汁有生蛋同埋明太子撈勻一齊食🍜
港式蜜糖多士夾雪糕
呢個係必食推介，香脆嘅蜜糖多士包裹住雲呢拿雪糕🍦 真係滋味無窮。
呢間餐廳嘅串燒都真係幾出色，下次約埋一大班再嚟食串燒先得😄
