影片
更多
2022-09-18
46 瀏覽
同朋友嚟旺角選購裝修材料，之後一齊食晏。友人一向都好鍾意蒲茶飲店，所以特意訂了這家以「茶」為主題嘅樓上 Café 「茶聊」。餐廳佔地甚廣，約有 2000 呎，環境闊落舒服，裝潢以黑白為主調，場內設有多個打卡位，佈置新穎，最啱就係同朋友嚟影相呃 Like。我哋每人點咗一個午餐，是日餐湯為牛肝菌湯，湯身濃稠適中，質感綿滑，入口菇味濃郁。主菜選了金蒜牛油煎海蝦配鹹蛋黃忌廉手工意大利粉 ($88) 同 安格斯沙嗲牛肉片漢堡配凱撒沙律及薯條 ($168)。蝦隻用牛油同蒜片煎過，肉質好新鮮，吃起嚟煙韌有彈性。意粉亦煮得啱啱好，非常掛汁，入口充滿鹹蛋黃嘅香氣，而且 Creamy 得來又不會太膩口，味道一流！另一客鳥籠漢堡亦非常之有驚喜，唔單止賣相討人歡心，連用料都好有心思，麵包質感很鬆軟又唔乾。至於餡料方面，以惹味嫩滑嘅沙嗲牛肉片 搭配 肉汁豐富嘅安格斯牛肉，兩者味道好夾，加上芝士、番茄同生菜，非常足料，口感很豐富，啖啖滋味！ 跟餐飲品點咗 髒髒黑糖珍珠鮮奶 (+$16) 同 楊枝甘露茶 (+$20)。鮮奶面頭鋪滿了可可粉，營造髒髒效果，賣相吸引。初頭還以為會好膩口，原來飲落甜度啱啱好，珍珠彈牙有嚼
同朋友嚟旺角選購裝修材料，之後一齊食晏。友人一向都好鍾意蒲茶飲店，所以特意訂了這家以「茶」為主題嘅樓上 Café 「茶聊」。
餐廳佔地甚廣，約有 2000 呎，環境闊落舒服，裝潢以黑白為主調，場內設有多個打卡位，佈置新穎，最啱就係同朋友嚟影相呃 Like。
我哋每人點咗一個午餐，是日餐湯為牛肝菌湯，湯身濃稠適中，質感綿滑，入口菇味濃郁。
主菜選了金蒜牛油煎海蝦配鹹蛋黃忌廉手工意大利粉 ($88) 同 安格斯沙嗲牛肉片漢堡配凱撒沙律及薯條 ($168)。
蝦隻用牛油同蒜片煎過，肉質好新鮮，吃起嚟煙韌有彈性。意粉亦煮得啱啱好，非常掛汁，入口充滿鹹蛋黃嘅香氣，而且 Creamy 得來又不會太膩口，味道一流！
另一客鳥籠漢堡亦非常之有驚喜，唔單止賣相討人歡心，連用料都好有心思，麵包質感很鬆軟又唔乾。
至於餡料方面，以惹味嫩滑嘅沙嗲牛肉片 搭配 肉汁豐富嘅安格斯牛肉，兩者味道好夾，加上芝士、番茄同生菜，非常足料，口感很豐富，啖啖滋味！ 
跟餐飲品點咗 髒髒黑糖珍珠鮮奶 (+$16) 同 楊枝甘露茶 (+$20)。
鮮奶面頭鋪滿了可可粉，營造髒髒效果，賣相吸引。初頭還以為會好膩口，原來飲落甜度啱啱好，珍珠彈牙有嚼勁，入口帶淡淡黑糖香。
至於另一杯楊枝甘露茶，亦足料到爆，每啜一啖都飲到粒粒芒果肉同柚子果粒，香甜味美，真係超消暑！
張貼
