影片
更多
2021-11-08
20 瀏覽
吉列牛忌廉烏冬專門店 (彌敦道) (旺角)睇個名就知佢哋嘅招牌菜係咩，除咗旺角有分店，銅鑼灣都有一間分店。我哋平日夜晚6:30食唔算好多人，唔使等位就入得。吉列牛定食 & 香辣忌廉雞肉炒麵 $246梗係要試吓佢哋嘅招牌，套餐可以揀忌廉烏冬或者忌廉雞肉炒麵，因為想食辣最後就揀咗炒麵。吉列牛係一set咁上，有兩個前菜、麵豉湯同一個飯。牛嘅外面裏咗麵包糠炸到有啲脆，但裏面都仍然係未熟嘅，所以可以用枱上面嘅爐，燒到鍾意嘅熟度再食。味道都唔錯，份量都算多，不過有幾舊食到有啲筋，整體來講都算幾抵食。忌廉雞肉炒麵比想像中辣，忌廉可以撈勻中和下啲辣。除咗有雞肉都有唔少蔬菜，賣相真係好啱打卡，而且味道都幾好。韓式甜辣醬單骨雞翼 $65如果覺得出街食雞翼唔方便嘅話，單骨雞翼都係個幾好嘅選擇。有十件單骨雞翼，有略略炸過，外皮即使撈左醬汁之後食都仲幾脆。個醬汁食落唔算好辣，偏向甜味多。紫薯Latte $25綠茶Latte $25兩杯嘅賣相都幾靚，上面仲有一圈嘅忌廉。唔算好甜，兩款入面綠茶嘅味道重啲。📍旺角彌敦道726號17樓
睇個名就知佢哋嘅招牌菜係咩，除咗旺角有分店，銅鑼灣都有一間分店。我哋平日夜晚6:30食唔算好多人，唔使等位就入得。
吉列牛定食 & 香辣忌廉雞肉炒麵 $246
梗係要試吓佢哋嘅招牌，套餐可以揀忌廉烏冬或者忌廉雞肉炒麵，因為想食辣最後就揀咗炒麵。吉列牛係一set咁上，有兩個前菜、麵豉湯同一個飯。牛嘅外面裏咗麵包糠炸到有啲脆，但裏面都仍然係未熟嘅，所以可以用枱上面嘅爐，燒到鍾意嘅熟度再食。味道都唔錯，份量都算多，不過有幾舊食到有啲筋，整體來講都算幾抵食。
忌廉雞肉炒麵比想像中辣，忌廉可以撈勻中和下啲辣。除咗有雞肉都有唔少蔬菜，賣相真係好啱打卡，而且味道都幾好。
韓式甜辣醬單骨雞翼 $65
如果覺得出街食雞翼唔方便嘅話，單骨雞翼都係個幾好嘅選擇。有十件單骨雞翼，有略略炸過，外皮即使撈左醬汁之後食都仲幾脆。個醬汁食落唔算好辣，偏向甜味多。
紫薯Latte $25
綠茶Latte $25
兩杯嘅賣相都幾靚，上面仲有一圈嘅忌廉。唔算好甜，兩款入面綠茶嘅味道重啲。
📍旺角彌敦道726號17樓
張貼
