阿里郎熱狗棒 (已結業)

近日疫情轉好，明顯旺角街頭都多咗人，今日放工行經波鞋街，見到有間韓式小食店，主力賣韓式熱狗，賣相非常吸引。可惜最想掂點嗰個Oreo熱狗啱啱賣晒，所以同朋友分別叫咗薯條芝腸熱狗棒同鴛鴦芝腸熱狗棒。見到店員即叫即整，幾分鐘後，已經聞到熱辣辣，香噴噴。未食得住，原來附近仲有調味料區，可以瘋狂加芝士粉，芝士芥末醬，蜜糖芥茉醬等等～超級鍾意佢個芝士芥末醬，特別係配薯條芝腸熱狗棒，味道簡直配合得天衣無縫。佢哋芝士熱狗棒個特點係真係食每一啖d芝士都可以拉絲，真係落足料，芝味十足！簡直係芝士控必到之地。最後同朋友食多個韓式嘅「糯米糍」，有勁多口味選擇，我最後就揀咗烏梅，味道非常清新，值得推介！