友拉麵

營業中

休息中

呢一間拉麵小店一直都冇機會嚟，今晚撞啱出嚟呢頭，就入去快食試吓。基本有四款拉麵，魚介、蔥山、辣肉碎、櫻花蝦。今次試著魚介同櫻花蝦先，知道佢哋湯嘅基底係豬骨湯，以上嘅口味都係附加味道落湯。呢度有直麵同曲麵揀，仲可以揀麵嘅軟硬度添。魚介拉麵🍜豬骨湯唔會太濃，可以先試一啖再混入魚介粉添加味道。配直身麵減少油膩感，三片火炙叉燒大大塊，焦香味溶入咗湯入面。味玉係溏心狀態。櫻花蝦拉麵🦐最特別唔同就係個湯底，食得出加入咗蝦味噌，多咗份濃烈嘅蝦甘味，再加埋櫻花蝦多份香味。配曲麵可以更加容易卷起櫻花蝦連埋麵一齊食。但曲麵較爽身，湯雖然好濃味，但唔會太過份。