Luxury (已結業)

朋友帶我食私房菜，去到門前，果然好隱閉。如果唔係朋友仔帶路，都有點難搵。按門鍾就有熱情的店員來開門，入內令人好驚喜。好公主式的白色大梳化，仲有花花牆，實在令人心情大好。店內環境都令人感覺幾舒適，開放式廚房開揚但唔會太嘈。座位分隔闊落，夠空間同私隱度。一切交哂比朋友發辦，我就開心等食。先來麵包麵幾夠誠意，有三款牛油。蕃茄微酸、黑松露夠香、海鹽超滑。前菜係薯絲炸蝦，又脆又香口。鵝肝多士，好豐富的油脂，而且配些甜甜的醬，好Rich!鵝肝mouse就好滑好香，仲有魚子粒點綴。龍蝦湯，好重酒香，非常正宗。輕煎帶子龍蝦湯意大利飯，飯粒有少少過熟，但帶子就滿分，邊香肉軟。海鮮雜燴係龍蝦湯底，好正！當中有我最愛的cod fish，滑一滑又有豐富魚油。朋友個牛面肉，好入味好軟，就連薯泥都好味。最後仲有靚到爆的甜品作結，超滿足。