海皇粥店 (莊士敦道) (已結業)

早餐想食粥其實唔易，一黎粥麵店唔多，二黎好多時都稀到粥水咁，或者杰到同食飯差唔多，對於偏好濃稠廣東粥既我黎講，海皇粥店算係可以接受既選擇。 大滿粥早餐價錢由$25至$35不等，可選各款粥品配炒麵、炒米、蒸蘿蔔糕、齋腸或蝦米腸。 唔想食白粥，正常份量既粥品配粉麵又太飽，我揀左迷你粥套餐。迷你瘦肉粥配蒸蘿蔔糕 ($30) 外賣 (+$1)瘦肉粥灑上蔥粒、炸花生同油炸鬼，粥底稠度適中，成碗都滿佈肉絲好足料，雖然唔係生滾個種瘦肉，但都食到肉既鮮味同咸香，附上既胡椒粉包亦幾香。蒸蘿蔔糕大大件香氣四溢，軟糯幼滑仲食到大量蘿蔔絲同臘腸，淋上甜豉油好夾好惹味。迷你粥細細碗意想不到咁飽肚，其實我平時食個粥就夠飽，可以雪返個蘿蔔糕第日翻叮做早餐。 外賣配套幾齊全，有紙托、胡椒粉、豉油、辣醬同餐貝。 我好欣賞所有野拎到返公司仲係熱辣辣，外賣盒保溫性能好強，如果裝蒸蘿蔔糕唔用發泡膠盒，轉用薄身透明可重用既塑膠盒就更好喇。值得一讚外賣2分鐘內就到手，員工都好好禮貌。