峇峇娘惹

營業中

休息中

入到商場見到呢間都幾多人排隊，出於好奇心就去試吓啦～～咁啱11點幾去到仲係早餐，依家又係第五波嘅時候，就梗係買外賣返屋企食啦！喺呢間嗌外賣要行到最裏面嘅收銀處俾錢，所以經過其他人嘅時候聞到真係好香好吸引！！榨菜手撕難米粉手撕雞嘅份量都幾多，本身就冇咩特別嘅調味，米粉同手撕雞就靠雞湯底啦！加咗榨菜落去湯底明顯多咗一浸榨菜雞湯嘅味道，如果唔係好接受到榨菜味，建議就唔好加入去湯到啦，因為會影響到成個湯底😂 如果淨係手撕雞米粉，雖然看似清淡，但其實雞湯味都幾濃，好容易令人一啖接一啖就無曬lu~~~香茅骨米粉香茅骨係豬骨嚟嘅，由於佢炸過我又唔想影響佢嘅口感，所以就冇加到去湯底度。香茅骨識落鬆軟，而且加咗佢哋特製嘅調味，食落都幾惹味。配上雞湯底，真係唔錯！餐入邊有得揀炒蛋同多士，我哋就揀咗斑蘭咖央多士～～曾經睇過啲節目話咖央多士製作過程都幾繁複，而且係馬來西亞好出名嘅食物，又見到係呢間餐廳特製嘅斑蘭味，所以對佢真係好有期望！但因為外賣啦返到去個麵包都淋晒，而且啲將偏甜斑蘭味唔重，但都幾特別嘅～好唔好食就見仁見智啦😂飲品就叫咗青桔仔水，薏米水～佢比錯咗青桔仔茶，不過都唔緊要啦飲落去就好似係檸檬茶咁。