利興餐廳 (裝修中)

一行二人來到呢間位於元朗教育路，嘅《利興餐廳》食早餐。我揀咗火腿鮑魚絲通粉配煎雙蛋加牛油方包早餐，飲熱奶茶 ($30)。火腿鮑魚絲通粉味道ok；煎雙蛋嘅雞蛋比較細隻，呢兩樣都ok，不過個牛油方包就扣曬分，首先係方包又凍又硬，然後入面竟然係一大pat味道又鹹又甜嘅植物牛油，感覺既難食，又油膩，熱奶茶一般茶餐廳貨色，普普通通。朋友揀嘅榨菜肉絲米粉餐 ($32)，都有幾多榨菜肉絲，味道唔錯，可惜米粉比較嚡口。紅腸煎蛋都幾香口，牛油方包同樣係敗筆，熱咖啡不過不失。其實呢度早餐嘅價錢都幾抵，好可惜牛油方包實在令人印象太深刻，拉上補下，充其量衹能算味道普通。