意八餐廳 (已結業)

今次又黎到藍田食早餐，啟田意八餐廳，食重量級全餐同鬆軟煎豬排美式早餐。鬆軟煎豬排美式早餐包左一塊厚多士，蒜蓉厚多士味道香，作為前菜食確實唔錯。我略嫌多士未夠鬆脆，咬落軟綿綿，但整體表現不俗。豬排方面，調味剛好，唔會太鹹，咬落唔太 韌，好易咬得開，可以話不費吹灰之力😂雖然係咁，但保留到口感，絕對唔似用梳打粉個啲醃到散晒個種。其他配菜同重要量級全餐大部分一樣，煎蛋同平時食嘅差唔多。粟米甜，但似加左糖一齊煮而形成嘅甜味。脆玉瓜生左少少，茄汁豆同樣冇特別。餐肉煎得香口。到全量級全餐，牛角包外皮酥，內裡軟，與街外麵包店做法不同。我幾推薦呢個飽，有麵包個種獨特香味，食落唔會覺得好熱氣，而係焗得啱啱好火候，出到黎外脆內軟。有少少酥皮牛油味，但唔會太重味。👅蘑菇腸亦值得一提，有陣好香香草味，廚房單純煎香，但已經好食到不得了好想知佢買咩牌子😂我想囤貨。至於火腿同其他配菜表現平平。飲品就唯獨阿華田凍飲有啲出乎意料地濃郁，杏霜有少少似好立克味，所以唔詳細描述。😐意八餐廳早上人流多，價錢合理，份量剛好（對於食量較多的人就稍微偏細份）。以普通快靚正都市人標準，佢完全合乎晒以上要求。我覺得一定比其他連鎖餐廳好食同