馥盈軒 (已結業)

聽朋友講官塘麗東酒店開咗間酒樓，十一點半前超平。今日星期二放假，九時前到達，都有七八乘客人，多是附近返工的白領和附近住的老人家。地方唔錯，酒樓員工都很落力，但人手不足，招呼不過不失。特價點心$7.8-$9.8，孖寶都係$16.8，平過我常去的九龍城酒樓。點心是三粒不是四粒，但都是大大粒，味道也不錯。還發現晚上有火煱，碟碟十八蚊，要揾日去試試。註：晚上六時後有代客泊車，晚飯三小時免費。