太子冰室 (已結業)

星期六, 又要加班. 一早約好了同事仔於全日通站頭集合, 先到的我就係附近找家茶餐廳, 食返個早餐先上路. 而今次就找來了太子冰室. 裝修不錯的, 有少少扒房feel, 不過坐落, 還是茶餐廳一間. 既然是以扒出名, 就來一個扒餐, 雞扒餐肉蛋加粟米. 特特別的, 呢度係配牛角包俾你的. 先品嚐奶茶, 味道濃郁, 奶多夠滑, 雖稱不上一流, 但已覺得不是"吔吔嗚"的出品. 又熱又香, 濃濃的, 夠提神.扒餐. 雞扒既做法同大樂冇乜分別. 不過比較大塊, 燒得又比較香, 係旁邊位乾了少少而已. 粟米非常好, 帶有牛油香. 而餐肉炒蛋也見功架. 不過牛角包就好差勁, 沒有牛油香, 不酥化已經不怪, 食落粗粗鞋鞋就真的不要得了. 建議烘下先俾人食. 我則咬了一淡放棄.電話到, 剛剛好又吃完早餐. 見到久違了的同事仔. 一起上路, 搞埋D手尾佢.