金拇指米線 (紅磡廣場) (已結業)

琴晚放早加上唔使湊囡，出去紅磡廣場接老公放工，老公帶我去佢平時食早餐，午飯同下午茶的舖頭。
中央冷氣唔會熱，座位多而且闊落舒適，乾淨衛生，又有電視睇，不過播tbb， 坐多十分鐘都唔怕畀人講及唔怕睇面色。

老公食上海菜飯配香茅雞中翼，豬扒，雞扒配菜飯- 外形不錯，香茅雞扒切開三片，嫩滑無雪味，豬扒夠林身，一咬就開。扒類預早切開數片，方便夾亦方便食。
菜飯- 菜粒保持嫩綠，香氣撲鼻，油潤潤，粒粒分明。

香茅雜扒菜飯

金牌牛柳煎雙蛋飯$45 - 兩隻煎香的蛋黃在蛋正中心，甜豉油開胃，搭兩條菜心，非常抵食。牛柳份量多，滑嫩不硬，但不夠熱，扣少少分。

牛柳煎雙蛋飯

$45

腐乳咸香味濃，好彩有碗青紅蘿蔔例湯中和一下。

中湯

香濃茶底，各有三片檸檬。
老公話早餐仲平，非常抵食，30蚊內有找，勁多款可揀。