大兄冰室 (已結業)

行完山食個tea , 3月嘅天氣已經好熱☀️，早來的夏天，所以行個水塘都覺得攰🙄。坐低冷氣好涼，好少嚟荃灣，所以唔係好熟呢邊，呢間野裝修都幾新，tea 嘅選擇同平時嘅茶記好唔同🙄，無一般西多士，乾炒牛河。主要係食熱狗同埋有啲台式飲品咁，tea set 都幾唔吸引，一般都over 40蚊，最後要咗常餐HKD45, 沙嗲牛芝麻包加螺絲粉，加半價17蚊有個黑糖珍珠奶茶，嚟到個樣幾靚咁，個包似熱狗，其實沙嗲牛咁整法真係唔太夾🤨，個包又無烘過，螺絲粉不過不失，珍珠奶茶大杯幾好飲👍。