瀧(日韓越) (已結業)

油塘鯉魚門街市入邊有好多外賣美食，今次幫襯咗瀧(日韓越)，顧名思義就係日式韓式越式美食都有😆韓式牛肉炒粉絲🐄 $43超級大碗夠兩個人食，牛肉同配菜都好多，粉絲彈牙。章魚燒🐙 $42有10粒章魚燒，攞到返屋企都熱辣辣，咬開係好紮實嘅一大粒，入邊有大大粒章魚。三文魚角切飯🍣 $61魚生同飯係分開擺嘅幾好，魚生都幾厚切同份量多，同埋佢個wasabi超級辣，記得唔好一次過落咁多。吞拿魚飯卷🍙 $35依個無魚生嘅小朋友都食得，食落去有港式壽司嘅感覺，簡單而美味。