波仔

營業中

休息中

天氣熱辣辣🥵，星期五放咗工又唔想煮飯，又唔想出街食，最好係買啱晒懶人嘅波仔叮叮系列返屋企嘆住冷氣🥶，舒舒服服坐喺梳化度食㗎啦，平靚正！ 適逢波仔搞緊個日韓節，好多日韓食品都做緊promote，先揀咗個新推出嘅芝士雞粒泡菜炒飯，面頭一層芝士🧀，加埋爽口嘅泡菜，甘筍，味道配合得好好，原本賣$31，宜家promote價只係$28。 另外再揀多個我好鍾意嘅白汁芝士煙肉意粉，份量都算ok，煙肉都足夠。 仲有新推出嘅1人pizza🍕，啱晒我老公唔太好pizza，但又可以滿足到我一個人食晒個pizza嘅慾望啦🤤🤤份量好似一個麵包咁㗎咋。有4隻味，分別係藍莓芝加哥、橄欖油蕃茄芝加哥、韓式烤肉芝加哥、辣雞芝加哥，我最後揀咗橄欖油蕃茄芝加哥味，又厚又實嘅批底塞滿咗芝士，蕃茄味特別香濃，橄欖油又香，令人回味無窮🤤。 食飽飯仲可以食個甜品添，椰汁紅豆南瓜蓉，好多紅豆呀，粒粒都好大，有咬口，南瓜蓉🎃一絲一絲咁，味道都幾香。