神戶屋日韓放題

營業中

休息中

一般放題以日式食物為主，而呢間因應潮流加入韓式元素，所以吸引我去食，雖然怕肥，但遇到放題咁多食物的確難抗拒，偶然一次半次可以放盡去食。食物種類方面，種類頗多，刺身、壽司、天婦羅、串燒 、熱食等等，任飲任食真係不得了。食物質素方面，整體端來的食物質素保持唔錯的水準，當中我最欣賞的食物:炸鮮奶~外皮香脆酥化，內裏的鮮奶軟滑，唔稀唔杰，入口即溶。一口炸豆腐~ 豆腐頗為辛辣，舌頭還受到刺激，呢個時候有炸鮮奶配搭就最啱喇，因為炸鮮奶嘅甜可以中和到炸豆腐嘅辣，掂。韓式炒粉絲~粉絲質感似水晶狀。粉絲有咬口煙韌而不肥膩， 啲芝麻同黑胡椒味道幾重。韓式燒牛舌~厚度適中， 燒的火侯掌握得不錯，加上有少少紅辣椒更加惹味。今次日韓放題感覺整體不錯，再約朋友來盡情一番。