影片
更多
2023-12-07
83 瀏覽
心血來潮想食日本料理唔一定要飛去日本，係香港都可以搵到高質嘅日式居酒屋🫶🏻之前去過銅鑼灣嘅牡蠣小屋質素都幾好，最近佢哋係灣仔QRE Plaza就開咗間姊妹店－炭兎，除咗新鮮日本生蠔之外，呢度仲主打備長炭炭爐烹製嘅料理🔥包括串燒、燒魚。坐係吧台可以睇住日籍師傅同其他師傅係開放式廚房調製各款料理👀今次叫嘅菜式，不論串燒、海鮮、鐵板料理等質素都幾高👍🏻各款菜式只係幾十蚊至百零蚊起有交易，性價比相當高🤑絕對要bookmark。梅水晶呢款冷盤小菜係一種魚類，爽口crunchy嘅口感幾得意，好重酸梅味道，鹹酸開胃🤤鐵盒燒廣島生蠔招牌作必數鐵盒燒生蠔🦪大大隻日本蠔即席放入鐵盒燒製，可以保留生蠔嘅湯汁💦食落特別飽滿肥美。滴少少檸檬汁或辣椒汁更醒胃。燒牛油果好特別！估唔到燒嘅牛油果別有一番風味，好食😋燒過之後口感較爽，帶牛油果香，鋪上漢堡扒同流心蛋，鬆化嘅漢堡扒肉味濃郁好juicy，好似變奏版burger咁🍔🤣鰯魚伴明太子100%還原日本炭燒風味👏🏻👏🏻將整條魚打直用竹籤插係火爐邊燒，好有特色😍鰯魚有啲似秋刀魚，都係充滿魚油香，肉質較緊緻。配以係炭爐燒過嘅明太子，增添鹹鮮味道。雖然夾落都幾多骨，但燒到骨
梅水晶
呢款冷盤小菜係一種魚類，爽口crunchy嘅口感幾得意，好重酸梅味道，鹹酸開胃🤤
鐵盒燒廣島生蠔
招牌作必數鐵盒燒生蠔🦪大大隻日本蠔即席放入鐵盒燒製，可以保留生蠔嘅湯汁💦食落特別飽滿肥美。滴少少檸檬汁或辣椒汁更醒胃。
燒牛油果
好特別！估唔到燒嘅牛油果別有一番風味，好食😋燒過之後口感較爽，帶牛油果香，鋪上漢堡扒同流心蛋，鬆化嘅漢堡扒肉味濃郁好juicy，好似變奏版burger咁🍔🤣
鰯魚伴明太子
100%還原日本炭燒風味👏🏻👏🏻將整條魚打直用竹籤插係火爐邊燒，好有特色😍鰯魚有啲似秋刀魚，都係充滿魚油香，肉質較緊緻。配以係炭爐燒過嘅明太子，增添鹹鮮味道。雖然夾落都幾多骨，但燒到骨都可以食埋🤪
薑蔥醋鯖魚卷
將鯖魚加上大量酸薑做成卷，軟滑嘅鯖魚同酸爽爽脆嘅酸薑一齊食，味道豐富又特別，可以作為其他菜式之間嘅間場，清一清味蕾😙😙
山芋明太子鐵板燒
呢個都值得叫👍🏻creamy軟滑嘅山芋泥加上少少鹹香嘅明太子，仲有唔少彈牙八爪魚肉增加口感，令人滿足嘅味道😋😋
燉牛舌伴溫泉蛋
味道帶點西式元素嘅鐵板料理😆有啲似紅酒燉牛肉嘅味，甜甜地嘅醬汁入晒牛舌裡面，仲有唔少拉絲芝士超邪惡😈😈
白燒鰻魚
可以揀白燒或蒲燒，睇住師傅係炭爐上將鰻魚燒至外層香脆，雖然無任何調味，但食落唔會有泥味，啖啖肉👍🏻加少少胡椒可以提鮮。
海膽紫菜雞柳、鹽梅雞柳、雞心串
餐牌有超多款式嘅串燒🍢雞肉串的的骰骰幾得意，兩款雞肉肉質較緊實，可以配辛口嘅柚子胡椒。雞心串比較食得過😙可以選汁燒或鹽燒，汁燒食到調味剛好嘅醬汁，雞心好爽彈，口感好好👏🏻
梅紫蘇冷麵
冷麵煙煙韌韌，配料有好滑嘅雞叉燒、溏心蛋等，酸酸咪咪，解膩一流😚😚
人均消費：$600
推介指數（10分為滿分）：8.5分
張貼
