知延屋

套餐有時令日本醃菜，椎茸酸甜，海帶脆口，泡菜微辣，每一樣都超級清新，不夠仲可以免費添！

味增湯加大量油豆腐粒，暖胃非常。 鰻魚便當非常精美，便當一開香氣撲鼻，鰻魚咬落又軟又有油香，外面焦脆重有粒粒芝麻，配珍珠米超下飯。 片片醃蘿蔔在旁解膩，配搭得宜。

另外我地叫左黑安格斯牛肉鍋物定食，配上壽喜燒湯汁。牛肉吸入湯汁再蘸上月見汁，嫩滑而又牛味濃。鍋入面仲好足料，大蔥冬菇雞髀菇旺菜夾極都有。稻庭烏冬彈牙，配湯汁好正。