金鶴拉麵 (九龍城道) (已結業)

喜歡拉麵的朋友絕對要黎試下，一去到看到門面裝飾已非常有驚喜，門面帶有日式風格，一入去就有5個BAR檯座位，再行入去，上半層樓梯後，有大約20幾個卡位，裡面的牆身油上黑色，再配有金色的日系牆紙作裝飾，既高貴又有格調。而且餐廳一直播著柔和的日文音樂，感覺好舒適，尤如置身日本食拉麵一樣。金鶴.雞白湯拉麵—湯底是用赤雞熬足六小時而成的，雞湯呈奶白色，帶有非常濃郁的雞味，但不油膩，拉麵上配有炸過的牛蒡，非常鬆脆，拉麵的麵條爽口，配有叉燒和慢煮雞肉。黑蒜醬油拉麵—湯底用上秘製黑蒜油，濃濃的黑蒜味，絕對妣美日本的醬油拉麵，麵條爽口，配有叉燒和慢煮雞肉。日式唐揚炸雞—炸雞炸得非常香酥鬆脆，而且仲可以保留雞塊內的肉汁，非常有驚喜。煎日式餃子—餃子皮薄餡靚，唔會煎得太燶。