Cocolo Tokyo Cake Factory (朗豪坊) (已結業)

行過朗豪坊見想食啲甜點，見到呢間餐廳嘅蘋果批好似幾吸引，就入去望下睇下。就係呢張易拉架嘅邪惡蘋果批吸左睛。除左蘋果批，仲有其他牛角酥。十分精緻誘人嘅批同酥。然後見到佢地嘅蛋糕好似都唔錯，而味道都好多款式選擇，最後要左個蘋果批再揀左新登場味嘅焙茶味蛋糕。蘋果批Size都唔細，而且焗到好酥脆，用牛油紙包住食都好方便，唔怕係街用手食。想講蘋果批好新鮮，咬落酥脆次餘仲好香牛油同蘋果味，內餡除咗有蘋果粒粒仲有醬汁，非常有層次。至於焙茶蛋糕都冇令人失望，焙茶味好足好濃郁，食落一陣陣嘅茶香配上口感綿綿嘅蛋糕底，真係好一邊嘆咖啡一邊食蛋糕。總結：兩款甜點都令人好滿足，而且唔會太甜唔會有食濟食膩嘅感覺，推薦畀各位鐘意食甜食嘅朋友。