天慶 (已結業)

嚟到Happy Friday，今日M佬帶我去到中環Chill吓！天慶以日系酒吧為題，價錢合理，環境裝潢設計夠晒優雅，感覺高尚脫俗。我哋最鍾意就係夠靜，啱晒我同M佬兩個摸吓酒杯底同靜靜咁傾吓計！店內設有超大熒幕、表演舞台、吧枱、高枱、戶外露天座位等等，連食物都相當有特色，值得推介！Tenkei GundanTenkei Gundan係呢度嘅招牌軍艦壽司：三款一口壽司分別係入口溶化嘅微辣吞拿魚、新鮮爽口嘅帆立貝同鮮甜無比嘅蟹肉（因海膽來貨不佳而改為蟹肉），賣相精緻矜貴，配上素菜同芥末餡料嘅飯團，食落好有層次。Beer Battered Fish & Chips同一般嘅炸魚一樣都係炸得非常香脆，魚肉鮮嫩多汁，但驚喜在於呢度特別嘅啤酒醬汁，令炸魚味道大大提升，好有水準。Combo Seafood Don呢個刺身丼超級豐富，包括三文魚腩、吞拿魚、虎蝦、魚籽、立魚等，賣相吸引，樣樣新鮮厚切，份量十足，每一啖都好滿足呀！Kobe Beef Udon湯烏冬配上和牛，真係好奢侈呀！和牛大概五成熟，牛味香濃，仲有成八片咁多，但記住要趁早食，如果唔係就浸熟晒啲牛喇。而烏冬份量唔少，仲有大量炸蒜同青蔥粒。47