影片
更多
2021-09-13
30 瀏覽
- 旺角OCIO就食過幾次啦，估唔到近近地將軍澳都有間。坑口呢間OCIO非常日系，餐廳主調係純白配上木色，有種好清新既感覺🌿。- 餐廳所有位置都非常闊落，就算兩個人都有好大張枱。而且餐廳非常光猛，係到食飯好似無哂壓力咁。- 晚餐餐牌好多唔同種類，我地今次就叫左冬陰功大蝦燴意大利飯🦐同炭燒美國10oz肉眼伴紅酒燒汁🥩。而飲品方面，咁就叫左熱蜜桃紅茶🍑同凍朱古力咖啡🍫☕️。- 冬陰功Risotto非常吸睛，表面有兩隻大大既蝦🦐。味道方面酸酸辣辣，比例上酸味比辣味更加出。成個飯軟硬度適中，配合埋蕃茄仔🍅同草菇🍄，好似東南亞風味Mix西餐咁。另外側邊仲有幾塊蝦片，炸到好脆又有蝦味。- 而炭燒美國10oz肉眼伴紅酒燒汁就簡直係重量級選擇，肉眼扒同薯條🍟份量好足。而且肉眼扒表面既坑紋非常誘人🥩，我地叫左五成熟，粉紅色既肉再加埋無限肉汁，真係不得了。個人比較喜歡用鹽同胡椒，但當然套餐配搭既紅酒燒汁味道都唔錯，我用左薯條去沾醬。- 凍朱古力咖啡表面好多忌廉奶泡，飲落唔會太甜太膩，咖啡味比較重。而熱蜜桃紅茶就有薄荷🌿同蜜桃味，而且無糖，所以唔會太大負擔。- 甜品方面，以往好少見到旺角分店有人叫刨冰，但將
- 旺角OCIO就食過幾次啦，估唔到近近地將軍澳都有間。坑口呢間OCIO非常日系，餐廳主調係純白配上木色，有種好清新既感覺🌿。
- 餐廳所有位置都非常闊落，就算兩個人都有好大張枱。而且餐廳非常光猛，係到食飯好似無哂壓力咁。
- 晚餐餐牌好多唔同種類，我地今次就叫左冬陰功大蝦燴意大利飯🦐同炭燒美國10oz肉眼伴紅酒燒汁🥩。而飲品方面，咁就叫左熱蜜桃紅茶🍑同凍朱古力咖啡🍫☕️。
- 冬陰功Risotto非常吸睛，表面有兩隻大大既蝦🦐。味道方面酸酸辣辣，比例上酸味比辣味更加出。成個飯軟硬度適中，配合埋蕃茄仔🍅同草菇🍄，好似東南亞風味Mix西餐咁。另外側邊仲有幾塊蝦片，炸到好脆又有蝦味。
- 而炭燒美國10oz肉眼伴紅酒燒汁就簡直係重量級選擇，肉眼扒同薯條🍟份量好足。而且肉眼扒表面既坑紋非常誘人🥩，我地叫左五成熟，粉紅色既肉再加埋無限肉汁，真係不得了。個人比較喜歡用鹽同胡椒，但當然套餐配搭既紅酒燒汁味道都唔錯，我用左薯條去沾醬。
- 凍朱古力咖啡表面好多忌廉奶泡，飲落唔會太甜太膩，咖啡味比較重。而熱蜜桃紅茶就有薄荷🌿同蜜桃味，而且無糖，所以唔會太大負擔。
- 甜品方面，以往好少見到旺角分店有人叫刨冰，但將軍澳都相對多客人叫。通常我都會叫蜜瓜配窩夫，但今次見到隔離枱叫黑蜜紅豆刨冰配雲呢拿雪糕，睇落真係非常吸引。
- 於是我地同樣叫左呢款黎試，首先刨冰非常大個，頂層有一球雲呢拿雪糕，表面佈滿大大粒紅豆，內裏幾乎成個冰都係黑蜜。另外店員亦附上額外既煉奶，我以為淋上面比較好，但原來表面已經好夠甜味，所以都係建議大家食到咁上下再淋煉奶。
- 但其實呢款刨冰甜味同感覺都有幾種層次，雲呢拿雪糕奶味較重、紅豆沙沙地既感覺有啲似紅豆沙、黑蜜味道到相對天然同煉奶既甜味截然不同，但食得出唔同甜味互相配合。
張貼
