日牛涮涮鍋專門店 (已結業)

價錢同日牛其他店鋪一樣，但環境就比較好。坐得冇咁密，窗邊可以望到街/商場下層。服務都比較好，可以坐入去再點餐，同埋店員會主動問要唔要加湯。牛肉一盤其實偏少，不過個人鐘意食菜，所以自助部分食幾轉就夠飽。蔬菜冇大舊粟米，只有細細條嗰種。同埋refill速度一般，出咗去睇兩次都冇refill到烏冬。如果要加點，推薦加海鮮盤，好似幾十蚊就有幾款海鮮食，味道都唔錯。飲品甜品方面，可樂偏淡，好似加咗水咁。乳酪雪糕有原味同士多啤梨兩種口味，仲可以選擇呢兩款嘅扭紋，一次食兩種口味。配料refill得都幾快。