魚がし日本一 (AIRSIDE)

營業中

休息中

呢間日本餐廳位於airside地下樓層，環境光猛，入面仲有玩味既燈飾用魚形豉油做成好有趣，職員友善。呢度食丼飯為主，我地叫左一碗三味吞拿魚丼，赤身食落比較瘦身無油膩感，中拖羅顏色粉紅，脂肪比例較高，魚香持而恰到好處的魚油脂，非常甘香大拖羅：顏色比中拖羅更淺色，脂肪相當多，脂肪分佈好像雪花般，富天然魚油脂甘香，入口即溶。由於脂肪精華味道濃郁，食落油脂分布平均又軟熟。配左一杯桃味酒加soda，呢度既酒款超多，食魚生飯必配酒品，呢杯比較清新又香桃味。另一碗叫左火炙漁夫丼，魚肉經過火炙後更加鮮味，帆立貝鮮味。呢碗配左沖繩限定既咖啡酒品，咖啡味濃郁既酒品易入口又香甜，小編推介呢杯酒。日本出既開心果雪糕，開心果味香滑。